mércores, 19 de decembro de 2012

GUÍA DE LECTURA, COORDINADORA DO RIBEIRO


GUÍA DE LECTURA EN GALEGO ELABORADA POLA COORDINADORA DE ENL DO RIBEIRO
http://dl.dropbox.com/u/22728933/familias.pdf

BON NADAL. CDEDLG DE VIGO E BISBARRA.

GUÍAS DE LECTURA EN GALEGO, COORDINADORA DO MORRAZO


EDUCACIÓN INFANTIL
http://dl.dropbox.com/u/22728933/Gu%C3%ADa%20Ensino%20Infantil%202012-2013.pdf

EDUCACIÓN PRIMARIA
http://dl.dropbox.com/u/22728933/Gu%C3%ADa%20Ensino%20Primario%202012-13.pdf

MATERIAIS ELABORADOS POLA COORDINADORA DO MORRAZO, E SUXESTIÓNS

Esperando que poidan servirvos, poñemos á vosa disposición os materiais que van nos arquivos adxuntos.

Moitos centros desta comarca imos enviarllas ás familias para que poidan coñecer obras en galego que consideramos interesantes publicadas nos últimos doce meses, pois moitas se teñen queixado de que non tiñan información e por iso non podían agasallar nada en galego. Por iso nos xuntamos diversos representantes dos equipos e cada ano elaboramos unhas guías coas novidades ou reedicións dos últimos doce meses, para que non poidan coincidir coas do ano anterior, claro, que nós consideramos despois de velas que poden favorecer ao galego, como explicamos nas mesmas guías. Algunhas levan cd., dvd... porque vimos que esas gustaban moito e tamén vai nelas un apartado para as familias, para os adultos do último que se editou en galego e que nos din que está gustando. Intentamos que haxa variedade nas editoriais, nos temas, algo de música, que non sexan só narracións... aínda que cada ano nós atopamos con máis problemas polo pouco que se edita noutros campos que non sexan narrativa.

Temos a posibilidade de metelo no orzamento do equipo do ano que vén, pedindo unha factura xa sexa pola edición se a facedes fora do centro ou pola tinta, papel... se o facedes no propio centro. Neste último caso, debedes dicirlle a quen vos faga as facturas que poña nalgún lugar algo así como "MATERIAIS PARA A EDICIÓN DAS GUÍAS DE LECTURAS 2012-13". Por aquí témolo feito sen problema ningún. Mellor que as facturas sexan con data de 2013, para poder acompañalas coa memoria do equipo, así como unha copia de cada guía que podes engadir xa co proxecto, cando saian as axudas para os equipos, que se prevén no mes de xaneiro.

Todos os nosos traballos son para compartir con quen consideredes.

Non sei se coñeces a coordinadora galega de equipos. Podédesvos anotar nela como coordinadoras/es do centro e todas as persoas que queiran como colaboradoras  http://www.coordinadoraendl.org/entrada.php  . Van poñendo moitos e moi variados materiais á vosa disposición. Se botades unha ollada seguro que podedes atopar algo de interese.

Tamén envío o calendario do noso centro. Cada curso escolleu unha palabra que lle gustou da lista das máis votadas como palabras fermosas pola nosa comunidade. Eles compuxeron, ás veces individualmente, ás veces en grupo ás imaxes en distintos materiais, usando desde teas de cores, plastilina, madeiras, papeis bonitos como lle chaman os pequenos... Imprimiuse en cartolina dura, para poñer enriba de todas as nosas mesas durante todo o ano e asi non esquecernos do galego. Tamén se lle entregou ao resto dos equipos da comarca cos que colaboramos para os seus centros e compartiuse con moitos vía email.
Que vos sirvan de proveito, moi boas festas e feliz ano novo. Á vosa disposición.

ENLACES:

NOVAS DA CGENDL

Presentamosvos unha nova publicación da Coordinadora Galega de ENDL, A letra miúda, unha revista dixital orientada especialmente para todos/as nós, o profesorado dos centros de ensino non universitario de Galicia, para facilitar a autoformación en aspectos de sociolingüística básica aplicada ao ensino.
A letra miúda non busca ser unha publicación academicista, senón que ten vontade de cubrir as nosas necesidades formativas do profesorado, contribuíndo a capacitalo para a toma de decisións metodolóxicas, pedagóxicas e didácticas de maneira crítica e reflexiva e a axudarlle no deseño de modelos de intervención encamiñados á normalización do galego no ámbito educativo. A través dos seus artigos tratará de achegar información e datos imprescindibles en materia sociolingüística para os/as docentes que traballan nese ámbito e axudarlles no deseño de modelos de intervención encamiñados á normalización do galego no ámbito educativo.
A revista ofrece artigos inéditos de cualificados especialistas nos que se tratan temas moi variados que van desde fundamentos teóricos sobre ensino de linguas ata experiencias educativas desenvolvidas en situación de contacto entre linguas. Achéganse tamén descricións e análises de modelos lingüísticos educativos e información significativa sobre a situación sociolingüística de Galicia e doutros territorios con linguas minorizadas.
Ademais, conta cun apartado de "Recomendacións" que se vai ir enchendo artigos xa publicados que se poden consultar na rede, recensións de publicacións básicas e ligazóns de interese, todo relacionado co ámbito mencionado.
Dende o Consello Directivo da CGENDL agardamos que A letra miúda sexa de utilidade e nos facilite o traballo neste camiño colectivo que andamos entre todos/as. Para facer calquera suxestión, consulta... relacionada coa revista, non dubidedes en poñervos en contacto con nós en aletramiuda@gmail.com.
Saúdos normalizadores
CGENDL

FELICITACIÓN NADAL CONCELLERÍA DE NORMALIZACIÓN, CONCELLO DE VIGO

NADAL EN GALEGO

Actividades, gratuítas, lúdicas e culturais para nenos, nenas e persoas adultas
20 decembro, xoves
18:00 h
Conto viaxeiro na Biblioteca Neira Vilas -a partir de 3 anos-
21 decembro, venres
18:00 h
Conto viaxeiro na Ludoteca do CRAC Coruxo -a partir de 3 anos-
22 decembro, sábado
11:30 h
Conto viaxeiro no MARCO -a partir de 3 anos-
12:00 h
O Quiquiriquí na Biblioteca Central -4 e 5 anos-
12:00 h
Fai un títere na AVV Saiáns (inscrición na AVV)
17:00 h
Contos das nosas fragas na AVV Saiáns -maiores 18 anos-
23 decembro, domingo
12:00 h
O Quiquiriquí no Verbum -4 e 5 anos-
26 decembro, mércores
12:30 h
O Quiquiriquí na Ludoteca de Bembrive -4 e 5 anos-
12:30 h
Contos das nosas fragas no Nadal na Casa da Xuventude -a partir de 4 anos-
18:30 h
Contos das nosas fragas no Nadal na AVV Calvario -a partir de 4 anos-
27 decembro, xoves
11:30 h
Conto viaxeiro na Ludoteca do CVC de Valadares -a partir dos 3 anos-
12:30 h
Contos das nosas fragas no Nadal na Ludoteca de Bembrive -a partir de 4 anos-
18:00 h
Cantos do bardo Abelardo na Biblioteca Neira Vilas -a partir de 3 anos-
18:30 h
Contos das nosas fragas no Nadal na AVV Teis -a partir de 4 anos-
28 decembro, venres
12:30 h
Conto viaxeiro na Casa da Xuventude -a partir de 3 anos-
12:30 h
Contos das nosas fragas no Nadal na Ludoteca de Coia -a partir de 4 anos-
17:00 h
Contos das nosas fragas no Nadal na Ludoteca do CRAC Coruxo -a partir de 4 anos-
18:30 h
Conto viaxeiro na AVV Calvario -a partir de 3 anos-
29 decembro, sábado
12:30 h
Conto viaxeiro na Biblioteca Central -a partir de 3 anos-
30 decembro, domingo
12:00 h
O Quiquiriquí no Centro Comercial Gran Vía -4 e 5 anos- con intérprete de lingua de
signos
2 xaneiro, mércores
12:30 h
Conto viaxeiro na Ludoteca de Coia -a partir de 3 anos-
3 xaneiro, xoves
11:30 h
Fai un títere no CCAR "O Rueiro" Coia (inscrición no CCAR -boletín inscrición-)
11:30 h
Contos das nosas fragas no Nadal no CVC de Valadares -a partir dos 4 anos-
4 xaneiro, venres
10:45 h
Na ponte ao Vivo! no Auditorio Mar de Vigo -a partir de 3 anos- Entrada 1 €
12:00 h
Na ponte ao Vivo! no Auditorio Mar de Vigo -a partir de 3 anos- Entrada 1 €
12:30 h
Conto viaxeiro na Ludoteca de Bembrive -a partir de 3 anos-
16:30 h
Fai un títere no Auditorio Mar de Vigo boletín inscrición Entrada 1 €
17:30 h
Fai un títere no Auditorio Mar de Vigo boletín inscrición Entrada 1 €
18:45 h
Polo correo do vento no Auditorio Mar de Vigo -a partir de 3 anos- con intérprete de
lingua de signos Entrada 1 €
Enderezos:
AVV Calvario / avda. E. Martínez Garrido, 12-interior / 986 27 11 87
AVV Saiáns / rúa Eira Vella, 4 / 986 49 19 18
AVV Teis / rúa Gerardo Campos Ramos, 2 / 986 26 60 45
Biblioteca Central / rúa Joaquín Yáñez, 6 / 986 22 90 74
Biblioteca Neira Vilas /avda. E. Martínez Garrido, 21 / 986 26 77 59
Casa da Xuventude / López Mora, 31 / 986 29 48 06
Centro Comercial Gran Vía / rúa Miradoiro, 2 -2.ª planta
Ludoteca CRAC Coruxo / estrada Camposancos, 226 / 986 49 11 71 986 46 07 36
Ludoteca CCAR "O Rueiro" Coia / rúa Baiona, 9-baixos igrexa Cristo da Victoria / 986 48 68 20
Ludoteca CVC Valadares/ camiño do Pedregal, 6/ 986 46 70 53
Ludoteca de Bembrive / Centro Cultural Helios, alameda do torreiro, s/n / 886 12 59 98
Ludoteca de Coia / pavillón deportes Coia, avda. Castelao, s/n / 986 24 27 37
MARCO / rúa Príncipe, 54 / 986 11 39 00
Verbum / avda. de Samil, 17
Auditorio Mar de Vigo / avda. de Beiramar, 59 / 986 13 79 40
Información das actividades:
Todas as actividades teñen unha duración de 1 hora.
- Contos das nosas fragas
: achegámonos a obras da nosa literatura tales como O bosque
animado
ou Os lobos que nos permitirán ver dun xeito diferente a natureza, e en particular os
nosos últimos bosques propios: fragas, faias, carballeiras, soutos, reboleiras... Sabermos dos
seres que habitan estes espazos naturais, lendas e historias que nos posibilitarán coñecer o
medio natural galego para respectar e participar deste o noso medio.
- Contos das nosas fragas no Nadal:
a través da narración de diferentes contos as cativas e
cativos irán coñecendo a natureza, e en particular, os nosos últimos bosques propios: fragas,
faias, carballeiras, soutos, reboleiras... Saberán algo máis dos seres que habitan estes espazos
naturais, as súas lendas e historias. E como estamos próximos ao Nadal o Apalpador, os lugares
que habita e a súa tradición, compartirá protagonismo nestas narracións.
- Fai un títere
: unha actividade lúdica que ademais de achegarnos ao mundo dos monicreques,
pretende ensinar a elaborar xoguetes e desenvolver a actividade creativa. Con materiais e
elementos sinxelos imos construír un títere de variñas.
- Conto viaxeiro
: mestura a narración dunha historia con ilustracións de personaxes mentres se
está contando a historia. Promover a lectura, a comprensión oral en galego e a creatividade dos
nenos e nenas son algúns dos obxectivos que queremos acadar con esta actividade.
- O Quiriquiquí
: cantigas divertidas con baile, con xogos e efectos audiovisuais.
-
Cantos do bardo Abelardo: aprenden divertidas panxoliñas, co acompañamento musical do
bardo.
-
Polo correo do vento "A longa viaxe de Panchito": conto ilustrado no que tentaremos realizar
unha maridaxe entre a narración, a música e a ilustración. Así, mentres o narrrador conta a
historia acompañado, nalgúns momentos, de música, o ilustrador realiza un mural relacionado
coa historia que se relata. Logo farase unha rolda de prensa: o público preguntará sobre a
historia e o debuxo. Remataremos cun obradoiro de debuxo.
- Na ponte ao Vivo!:
escenificación dun programa de radio en directo. Móntase un escenario que
imita un aparello de radio, dentro do que se realiza un programa radiofónico dirixido por Xurxo
Souto. As cativas e cativos poderán participar e descubrir o mundo da radio de preto, xa que se
poden sentar na mesa de locución e acompañar o condutor do programa. Bailar, cantar e
sentirse profesionais da radio por un intre.

FAI UN TÍTERE, RUEIRO

Boletín de inscrición para o
OBRADOIRO EN FAMILIA: FAI UN TÍTERE
organizado pola Concellería de Normalización Lingüística que terá lugar o
xoves, 3 de xaneiro, ás 11:30 h no CCAR "O Rueiro"-Coia

Poden anotarse os mércores e xoves, de 18:00 h a 20:00 h, na Secretaría do Centro Cultural "O Rueiro", rúa Baiona, 9-baixos igrexa 986 48 68 20
Prazas: 25
[Adulto/a] Nome e apelidos: ________________________________________________
[Neno/a] Nome e apelidos: _________________________________________________
Cada neno/a debe ir acompañado/a por unha persoa adulta e un/ha adulto/a só pode
acompañar a un/ha neno/a
Idade neno/a: __________________ (Idade mínima: 6 anos)
Enderezo:______________________________________________________________
Código postal e localidade: _________________________________________________
Teléfono/s: _____________________________________________________________
Correo electrónico: _______________________________________________________
Sinatura
Normalización Lingüística CCAR "O Rueiro"
Praza do Rei, número 1 Rúa Baiona, 9-baixos igrexa
36212 Vigo 36209 Vigo
Tfn.: 986 81 02 81
Fax: 986 22 06 78

OBRADOIRO EN FAMILIA: FAI UN TÍTERE

Boletín de inscrición para o
OBRADOIRO EN FAMILIA: FAI UN TÍTERE
organizado pola Concellería de Normalización Lingüística que terá lugar o
venres, 4 de xaneiro, ás 16:30 h no Auditorio Mar de Vigo

Prezo entrada: 1 €
Debe achegarse cuberto por algún destes medios:
- por correo electrónico a ofi.normalizacion@vigo.org
(é suficiente con poñer a información
solicitada no corpo do correo)
- por fax, ao número 986 22 06 78
- ou entregar, directamente, no Servizo de Normalización Lingüística (praza do Rei, núm. 1 -1.ª planta)
Só se terán en conta as inscricións (en persoa, por correo ou por fax) que se reciban a partir das 9:00 h do 26 de decembro
A selección farase pola orde de chegada da inscrición
Prazas: 25
Cada persoa só pode entregar un máximo de 3 inscricións
O Servizo de Normalización Lingüística comunicará, individualmente, as persoas que participarán no obradoiro
[Adulto/a] Nome e apelidos: ________________________________________________
[Neno/a] Nome e apelidos: _________________________________________________
Cada neno/a debe ir acompañado/a por unha persoa adulta e un/ha adulto/a só pode
acompañar a un/ha neno/a
Idade neno/a: __________________ (Idade mínima: 6 anos)
Enderezo:______________________________________________________________
Código postal e localidade: _________________________________________________
Teléfono/s: _____________________________________________________________
Correo electrónico: _______________________________________________________
Sinatura
Normalización Lingüística Auditorio Mar de Vigo
Praza do Rei, número 1 Avenida de Beiramar, 59
36212 Vigo 36202 Vigo
Tfn.: 986 81 02 81
Fax: 986 22 06 78

xoves, 6 de decembro de 2012

REVISTA OLLOS DE AULA

Prezados/as amigos/as,
Chega o mes de decembro co Nº 3 de Ollos de aula, a revista que edita a CGENDL para as familias do alumnado. O reforzo educativo, os xoguetes do Nadal ou o Informe do Consello Europeo sobre a política lingüística da Xunta son algúns dos contidos que atoparedes neste  Ollos de aula, unha revista que medra co voso apoio e as vosas propostas, que podedes achegar ao correo ollosdeaula@gmail.com.
Non esquezades que podedes adaptala ao voso centro e ao voso contorno, respectando o deseño orixinal, e que podedes difundila de moitas maneiras, tal e como xa estades facendo:
  • Imprimíndoa e enviándoa a todas as familias.
  • Facendo unha “subscrición” das familias e enviándolla a aquelas que se mostren interesadas, ben por por correo electrónico ben impresa en papel.
  • Imprimíndoa e deixándoa nos espazos do centro nos que se reciben ás nais e aos pais.
  • Imprimíndoa e deixándoa no contorno do centro (salas de espera, bibliotecas públicas, bares...)
  • Enviándoa á ANPA do centro para que a coñeza e distribúa (vía e-mail)
  • Enviándoa ás Federacións de ANPAS dos concellos e ás concellerías de educación.
  • Subíndoa á páxina web do centro en formato dixital.
  • Colgándoa no blogue do Equipo e outros blogues do centro (Orientación, Biblioteca...).
  • Enviándoa e repartíndoa entre os/as vosos/as compañeiros/as do centro escolar e doutros colexios e institutos.
  • (...) E como estades facendo no voso centro?
Tamén podedes descargala en:
Moitas grazas pola boa acollida que lle estades dando a esta VOSA Ollos de aula.
Saúdos normalizadores
CGENDL

UNIDADE DIDÁCTICA: O APALPADOR

Aquí vos deixamos o enlace á unidade didáctica do Apalpador para traballar nas aulas.

http://bit.ly/udapalpador

CONTACONTOS: PEPIÑA MARUXIÑA

Pepiña mentres busca polo xardín alguén que lle axude a voar, vai coñecendo aos diferentes insectos que o habitan. Mistura a música e diferentes elementos como globos, espuma...

A Concellería de Normalización Lingüística organiza este contacontos o venres 14 de decembro, ás 18:30 horas no Centro Comercial Gran Vía (rúa Miradoiro, 2 - 2.a planta)

Para público familiar. Entrada de balde.